Լրագրողական մրցույթ «Բյուջեն մերն է. բարելավելով բյուջեի հաշվետվողականությունը և թափանցիկությունը» ծրագրի շրջանակում

Բաց կառավարման գործընկերության նախաձեռնության ներքո ACSES  վերլուծական կենտրոնը (Սոցիալ-տնտեսական ուսումնասիրությունների հայկական կենտրոն), Տնտեսական լրագրողների ակումբի հետ համատեղ, ԵՄ կողմից ֆինանսավորվող «Բյուջեն մերն է․ բարելավելով բյուջեի հաշվետվողականությունն ու թափանցիկությունը» ծրագրի շրջանակում հայտարարում է լրագրողական մրցույթ։ Մրցույթի նպատակն է խրախուսել բյուջետային գործընթացների, բյուջետային համակարգի վերաբերյալ որակյալ և պատասխանատու լրագրողական նյութերի ստեղծումն ու տարածումը, ինչպես նաև նպաստել հասարակության բազմակողմանի տեղեկացվածությանը` բյուջետային գործընթացներում հանրային ներգրավվածության,  բյուջեի կառուցվածքի և կատարողականի  վերաբերյալ։

Մրցույթին իրենց նյութերը կարող են ներկայացնել հայաստանյան տպագիր, առցանց և հեռարձակող լրատվամիջոցների աշխատակիցները և անկախ լրագրողները։ Նյութերը պետք է տպագրված կամ հեռարձակված լինեն 2023թ  հունվար-սեպտեմբեր  ժամանակահատվածում և լինեն մրցութային թեմայի շրջանակում։

Աշխատանքները կարող են ներկայացվել լրագրության ցանկացած ժանրում։ Հեղինակը կարող է ներկայացնել առավելագույնը 2 նյութ: Մասնակցելու համար անհրաժեշտ է լրացնել հայտը մինչև 2023 թ․ սեպտեմբերի 15-ը ներառյալ (երկարաձգված մինչև սեպտեմբերի 20-ը ներառյալ)։