- Նախորդ տարի կառավարությունը կրթության ոլորտում ծախսել է 178 մլրդ դրամ՝ ապահովելով նախնական պլանի մոտ 86%-ը։
- Ծախսերի գրեթե 60%-ը հատկացվել է անվճար հանրակրթությանը՝ ապահովելով ավելի քան 396 հազար սովորողի անվճար կրթություն։
- Դպրոցների, մանկապարտեզների, ուսումնարանների կառուցման և վերանորոգման ուղղությամբ ծախսվել է պլանավորածից 40%-ով ավելի քիչ գումար, ինչը ուղղվել է 27 դպրոցի, 8 ուսումնարանի, մոդուլային տիպի 15 մանկապարտեզի ու 20 դպրոցի կառուցմանը։ Ավարտվել են ևս 4 մանկապարտեզի, 8 դպրոցի, 5 ուսումնարանի հիմնանորոգման և 4 մոդուլային հաստատությունների կառուցման աշխատանքներ։
- Ուսանողների ուսման վճարների փոխհատուցմանը ուղղվել է շուրջ 20 միլիարդ դրամ՝ լրիվ կամ մասնակի փոխհատուցելով 39 հազար 183 ուսանողի արհեստագործական, միջին մասնագիտական, բարձրագույն և հետբուհական կրթության գծով ծախսերը։
