- Ժողովրդագրական իրավիճակի բարելավումը Հայաստանի առջև ծառացած կարևորագույն խնդիրներից մեկն է, որն այդ թվում նաև պայմանավորված է երկրում պտղաբերության ցուցանիշներով։
- 2024 թվականին Հայաստանում ծնունակ տարիքի (15-49 տարեկան) 1 կնոջ հաշվով ծնված երեխաների թիվը կազմել է 1.7: Հայաստանի սահմանակից երկրներում ամենացածր պտղաբերության գործակիցը գրանցվել է Ադրբեջանում (1.4), իսկ ամենաբարձրը՝ Վրաստանում (1.8):
- Վերջին տաս տարիների ընթացքում Հայաստանի սահմանակից բոլոր երկրներում պտղաբերության մակարդակը նվազել է, Հայաստանում այն որոշ տատանումներով պահպանվել է 1 կնոջ հաշվով 1.7 երեխա մակարդակում։
- Մեր ուսումնասիրությունները ցույց են տալիս, որ Հայաստանում ծնունակ տարիքի շատ կանայք երեխա չունեն: Միևնույն ժամանակ, ընդհանուր ծնված երեխաների 36%-ը երրորդ և ավելի բարձր կարգաթվով ծնված երեխաներն են։
Այս հրապարակումը պատրաստվել է ԵՄ կողմից ֆինանսավորվող «Կայուն, ազդեցիկ և ներառական քաղհասարակություն» (ԿԱՆՔ) ծրագրի շրջանակում։ Ծրագիրն իրականացվում է Ժողովրդավարության զարգացման հիմնադրամի (ԺԶՀ), «Մարդը կարիքի մեջ» հասարակական կազմակերպության և «Բուն» գիտամշակութային հիմնադրամի կողմից: Այն նպատակ ունի ամրապնդել քաղաքացիական հասարակության դերը Հայաստանում՝ որպես դիմակայուն, անկախ և վստահելի գործոն ժողովրդավարական կառավարման, քաղաքականությունների մշակման և համայնքային հզորացման գործում:
