- Ըստ 2026 թվականին պետբյուջեի նախագծի՝ ՀՀ կառավարությունը նախատեսում է կապիտալ ծախսերին (ոչ ֆինանսական ակտիվների գծով ծախսերին) ուղղել 694 միլիարդ դրամ՝ 6%-ով պակաս, քան սպասվում է 2025 թվականին և 3 անգամ ավել, քան 2020 թվականին իրականացված ծախսերը։ 2026-ի կապիտալ ծախսերի կրճատմանը ամենամեծ չափով նպաստել է պաշտպանության գծով ծախսերի նվազումը, ինչը մասամբ չեզոքացրել են դպրոցաշինության և ճանապարհաշինության գծով ծախսերի աճը։
- 2020-2024 թվականներին կապիտալ ծախսերի մասնաբաժինը պետբյուջեի ընդհանուր ծախսերում աճել է՝ 12%-ից հասնելով 19%-ի, իսկ 2025-2028 թվականներին այն կանխատեսվում է միջինում տարեկան 21%։
