ՀՀ ԿԲ-ն եռամսյակային հարցումներ է կատարում մակրոտնտեսական իրավիճակի վերաբերյալ ֆինանսական համակարգի սպասումները գնահատելու նպատակով:Մինչև 2023թ․ 4-րդ եռամսյակը հարցմանը մասնակցել են ՀՀ ռեզիդենտ առևտրային բանկերը։ 2024թ-ից ներառվել են նաև ՀՀ ռեզիդենտ այլ ֆինանսական կազմակերպությունները (վարկային, ապահովագրական, ներդրումային կազմակերպություններ և ներդրումային ֆոնդի կառավարիչներ)։
Ըստ այդ հարցումների, դիտարկվող ժամանակահատվածում՝ 6-ամսյա ժամանակային լագով, ամենամեծ կանխատեսման շեղումը դիտվել է 2022թ․ 4-րդ եռամսյակում, երբ ֆինանսական կազմակերպությունների կանխատեսած փոխարժեքը կազմել է 492.06 դրամ, իսկ փաստացի փոխարժեքը՝ 397.55 դրամ։
Ճշգրիտ կանխատեսում գրանցվել է 2018թ․ 4-րդ եռամսյակում, երբ կանխատեսած փոխարժեքը (484.82 դրամ) գրեթե համընկել է փաստացի փոխարժեքին (485.31 դրամ)։
Կանխատեսումների սխալների ստանդարտ շեղումը կազմել է 27 դրամ , միջինը՝ 14,5, ինչը վկայում է կանխատեսումների զգալի անճշտության մասին։
